Deputeti i PDK-së sot intervistohet në Hagë

1 min read

Notice: Trying to get property 'post_excerpt' of non-object in /home/rtv21new/public_html/wp-content/themes/newsphere-pro/inc/hooks/hook-single-header.php on line 65

 

Deputeti i Kuvendit të Kosovës nga radhët e PDK-së, Ferat Shala, sot do të intervistohet në Gjykatën Speciale. Lajmin e ka bërë vet Shala përmes një postimi në “Facebook”.

Si njëri ndër eprorët e UÇK-së, ai ka thënë se është krenar që ka luftuar për Kosovën.

“Ju njoftoj se sot, më 7 shtator, në cilësinë e dëshmitarit, po i përgjigjem ftesës për intervistë nga Dhomat e Specializuara në Hagë. Sot dhe përjetësisht krenar që pata nderin të luftoj për ty Kosovë, UÇK, dhe ju familja ime!”, ka shkruar Shala.

Gjykata Speciale në Hagë po heton krimet e pretenduara nga anëtarët e Ushtrisë Çlirimtare të Kosovës kundër pakicave etnike dhe rivalëve politikë nga janari 1998 deri në dhjetor 2000, të cilat përmenden në raportin e Këshillit të Evropës 2011. Autori i raportit është ish-senatori zviceran, Dick Marty./21Media