Derbi Milan-Inter ofron spektakël por jo fitues
Ka përfunduar pa fitues, me rezultatin 1-1 derbi i javës së 12-të të Serie-A ndërmjet Milanit dhe Interit i zhvilluar të dielën në “San Siro”.
“Neroazzurrët” kaluan të parët në epërsi pas vetëm 11’ minutave lojë të zhvilluara në “San Siro” kur ish-mesfushori i Milanit Hakan Calhanoglu shënoi nga penalltia të cilën edhe vet e fitoi.
Baraspesha në rezultat i rikthyer shumë shpejtë kur qendërmbrojtësi i Interi Stefan De Vrij shënoi një gol shumë të bukur por që ishte në portën e gabuar. Ndodhi kjo në minutën e 17\ të ndeshjes.
Skuadra e Simone Inzaghit e kishte mundësinë që ta rikthehet epërsinë në minutën e 27’, por Lautaro Martinez nuk e ktheu në gol penalltinë e fituar nga Mateo Darmian.
Në pjesën e dytë të dy skuadrat e kërkuan fitoren me Milanin që e mori situatën në kontroll në 15 minutat e fundit por që nuk pati asnjë gol të shënuar.
Ky barazim i shkon më shumë përshtati Milanit që pas 12 ndeshjeve renditet në vendin e dytë me shtatë pikë më shumë se Interi në të tretin. Tabela kryesohet nga Napoli me pikë të barabarta me Milanin, nga 32 sosh.
Dëshiron ta dëgjosh këtë lajm me zë?