Distria i siguron Kosovës medalje, prek finalen e Evropianit të xhudos
(Lajm i përditësuar)
E arta jonë olimpike, Distria Krasniqi i ka siguruar Kosovës medalje nga Kampionati Evropian i xhudos, që po mbahet në Montpellier të Francës.
Në kuadër të kategorisë deri në 52 kilogramë, Distria e ka mposhtur në gjysmëfinalen xhudisten italiane, Odette Giuffrida.
Ndërkaq, deri te finalja, Krasniqi raundin e parë e kaloi pa luftë, në të dytin e mposhti kroaten, Ana Viktorija Puljiz, kurse në çerekfinale fitoi kundër xhudistes nga Azerbajxhani, Gultaj Mammadaliyeva.
Distria vazhdoi me fitore edhe në gjysmëfinale, duke e mposhtur italianen Odette Giuffrida.
Në finale, Krasniqi do të përballet me xhudisten nga Franca, Amandine Buchard.
Distria në çerekfinale të Evropianit të xhudos
E arta jonë olimpike, Distria Krasniqi ka siguruar çerekfinalen e Kampionatit Evropian të xhudos.
Në kuadër të kategorisë deri në 52 kilogramë, Distria e ka mposhtur në raundin e dytë xhudisten kroate, Ana Viktorija Puljiz.
Raundin e parë Krasniqi e kaloi pa luftë, në të dytin mposhti kroaten Puljiz, kurse tani në çerekfinale do të përballet me xhudisten nga Azerbajxhani, Gultaj Mammadaliyeva.