Dita e Flamurit shënohet edhe në Bujanoc

Me rastin e Ditës së Flamurit, festës kombëtare të Shqipërisë, flamujt kuqezi janë ekspozuar sot në objektin e Komunës dhe Këshillit Kombëtar të Shqiptarëve në Bujanoc.
Flamuri shqiptar është ekspozuar nga kryetari Nagip Arifi në ballkonin mbi hyrjen e administratës komunale.
Këtë akt e përshëndetën me duartrokitje këshilltarët e shumicës shqiptare në Kuvend.
Festimi i Festës së Flamurit ka vijuar me një akademi ceremoniale në Shtëpinë e Kulturës.
Deputeti shqiptar në Kuvendin e Serbisë Shaip Kamberi tha në Parlamentin serb në fillim të kësaj jave se shqiptarët kurrë nuk do të heqin dorë nga simbolet dhe identitetet e tyre kombëtare.