Dollari amerikan mund të bëhet dixhital
Derisa teknologjia vazhdon të revolucionarizojë mënyrën se si njerëzit jetojnë, punojnë dhe shpenzojnë, bankat qendrore anembanë globit kanë nisur përpjekjet për të rishpikur monedhat e tyre lokale për epokën dixhitale. Tani, Shtetet e Bashkuara janë të fundit që sinjalizojnë “urgjencën” në kërkimin e një versioni të mundshëm dixhital të dollarit të tyre nëpërmjet një monedhe dixhitale të Bankës Qendrore, ose CBDC.
Kina, ekonomia e dytë më e madhe në botë për nga prodhimi i brendshëm bruto, lançoi me lehtësi renminbi-në e saj dixhitale në janar dhe CBDC tashmë krenohet me më shumë se njëqind milionë përdorues. Gjithsesi, rreth 100 vende po eksplorojnë CBDC-të në një nivel ose në një tjetër, tha drejtoresha menaxhuese e Fondit Monetar Ndërkombëtar Kristalina Georgieva gjatë fjalimeve në qendrën e mendimit të Këshillit Atlantik muajin e kaluar.
David Yermack, kryetar i departamentit të financave në Stern School of Business të Universitetit të Nju Jorkut, i tha CNN Business se tani është “e pashmangshme që e gjithë bota të lëshojë para në këtë mënyrë”. Në Shtetet e Bashkuara, pandemia nxiti kërkesën për metoda pagese pa para dhe shumë investitorë të Main Street kanë përqafuar kriptovalutat si bitcoin dhe ethereum, duke i bërë presion qeverisë që të mos mbetet prapa në trend./21Media
Dëshiron ta dëgjosh këtë lajm me zë?