Dukagjini e mposht me lehtësi Fushë Kosovën
(Lajm i përditësuar)
Ka përfunduar ndeshja e vetme e ditës së sotme të Superligës së Kosovës, ku tri pikët e takojnë skuadrës së Dukagjinit.
Pas plot 90’ minutave lojë të zhvilluara në stadiumin “Sami Kelmendi” në Lipjan, Dukagjini e ka mposhtur 3:0 Fushë Kosovën.
Golat e fitores për mysafirët i shënuan Redon Syla (minuta e 17’), Bujar Shabani (minuta e 49’) dhe Altin Merlaku (minuta e 81’).
Me pikët e reja, Dukagjini ngjitet në kuotën e 20 pikëve në vendin e gjashtë, krahas Fushë Kosovës që zë vendin e nëntë me vetëm 10 pikë.
Rezultati final i ndeshjes, 3:0 në favor të Dukagjinit.
Pjesa e parë: Dukagjini në epërsi kundër Fushë Kosovës
Ka përfunduar pjesa e parë në ndeshjen që po zhvillohet aktualisht në Superligën e Kosovës.
Pas 45’ minutave lojë të zhvilluara në stadiumin “Sami Kelmendi” në Lipjan, Dukagjini po avancon 1:0 kundër Fushë Kosovës.
Golin e vetëm deri tani e shënoi Redon Syla, i cili e kaloi Dukagjinin në epërsi prej 1:0 në minutën e 17.
Pjesa e parë, 1:0 në favor të Dukagjinit.
Sot luhet përballja mes Fushë Kosovës e Dukagjinit
Ndeshja e së shtunës mes Fushë Kosovës e Dukagjinit, e cila u shty për shkak të reshjeve të mëdha të borës, do të zhvillohet sot.
Ndeshja do të luhet në stadiumin “Sami Kelmendi” në Lipjan me fillim nga ora 13:00.
Kjo përballje i takon xhiros së 15 të Superligës së Kosovës.
Në xhiron e fundit të zhvilluar, Dukagjini u mposht nga Ballkani 3:1, kurse Fushë Kosova humbi 1:0 kundër Dritës.
Momentalisht, pas 14 ndeshjeve të zhvilluara, Dukagjini renditet në vendin e gjashtë me 17 pikë, krahas Fushë Kosovës që zë vendin e nëntë me 10 pikë.