Dy pacientë në mjekim intensiv në Infektivë

Në Klinikën Infektive të Qendrës Klinike Universitare të Kosovës janë duke u trajtuar 6 pacientë.
Arben Vishaj, drejtor i kësaj klinike, ka thënë për rtv21.tv se 3 pacientë janë pozitivë me COVID-19.
Nga 6 pacientët që po trajtohen në Klinikën Infektive, 4 janë të vaksinuar me nga dy doza të vaksinave kundër COVID-19, kurse dy pacientë të tjerë janë të pavaksinuar.
Vishaj ka treguar se në mjekim intensiv janë 2 pacientë, njëri pozitiv me COVID-19.
Njëri nga pacientët që po trajtohen në mjekim intensiv është i vaksinuar me dy doza të vaksinës kundër virusit./21Media