Dy persona të vdekur nga të shtënat në qendrën holandeze të kujdesit

Dy persona u qëlluan për vdekje dhe dy të tjerë u plagosën në një qendrën holandeze që ofron terapi për personat me aftësi të kufizuara ose probleme të shëndetit mendor.
Një vajzë 16-vjeçare dhe një grua 34-vjeçare u vranë nga të shtënat në qendrën Tro Tardi në Alblasserdam, në lindje të Roterdamit.
Policia holandeze më vonë arrestoi një të dyshuar të armatosur në një park aty pranë.
Një djalë 13-vjeçar dhe një grua 20-vjeçare mbetën të plagosur rëndë.
Dy ambulanca ajrore shkuan në vendngjarje dhe automjete të shumta emergjente u vendosën jashtë qendrës, njoftoi radio holandeze.
“I dyshuari është arrestuar dhe arma e zjarrit është sekuestruar. Dëshmitarët janë duke u kujdesur dhe po sigurohet ndihma për ta”, informoi policia e Roterdamit në Twitter.
Policia më vonë zbuloi se njeriu në paraburgim ishte në arrati që nga mbrëmja e së enjtes dhe ai kërkohej për vdekjen e një 60-vjeçari në një dyqan në Vlissingen, në jug-perëndim të Roterdamit.
Policia tha se nuk kishte asnjë motiv të qartë për sulmin e së premtes. Ata e identifikuan të dyshuarin si një burrë 38-vjeçar nga Oud-Alblas, një fshat pak kilometra larg të shtënave. Mediat holandeze thanë se ai ishte i njohur për policinë.
Qendrat e kujdesit inkurajojnë njerëzit me aftësi të kufizuara fizike ose probleme të shëndetit mendor që të kryejnë detyra të lehta bujqësore. Në faqen e saj të internetit, ferma Tro Tardi informon se ofron një sërë aktivitetesh përkujdesjeje që mund të ndihmojnë fëmijët dhe të rriturit në një “nivel fizik, njohës si dhe social/emocional”, shkruan BBC./21Media