Dy të vdekur, 427 raste të reja me Covid-19

Ministria e Shëndetësisë, sipas të dhënave nga Instituti Kombëtar i Shëndetësisë Publike të Kosovës, sot ka informuar se gjatë 24 orëve të fundit kanë vdekur dy persona që kanë qenë të prekur me Covid-19, ndërsa janë konfirmuar edhe 427 raste të reja.
“Sot janë shëruar 31 qytetarë, derisa numri i përgjithshëm i të shëruarve është 158.315. Në total numri i rasteve aktive është 2.811.”, ka informuar MSh.
Sipas ministrisë, prej fillimit të vaksinimit në të gjitha qytetet e Kosovës janë dhënë 1.704.633 doza të vaksinës, ndërsa deri më sot 793.574 qytetarë janë vaksinuar me dozën e dytë.
Deri më sot, janë dhënë 24.841 doza përforëcuese dhe 2.137 doza të treta të vaksinës COVID-19./21Media