Dyshohet se prezantoi dokumente të falsifikuara, arrestohet
Një shtetase e Turqisë është arrestuar në Aeroportin “Adem Jashari” në Prishtinë, pasi gjatë kontrollit të dokumenteve e dyshuara ka prezantuar pasaportë dhe letërnjoftim belg, të cilat dyshohet se mund të jenë të falsifikuara.
Policia e Kosovës ka njoftuar se rasti ka ndodhur më datë 07.04.2022, rreth orës 07:30.
Pasaporta dhe letërnjoftimi janë sekuestruar për ekzaminim dhe procedura të mëtutjeshme hetimore. Ndërsa lidhur me rastin është konsultuar prokurori i shtetit me vendim të së cilit e dyshuara është dërguar në mbajtje./21Media
Lexim me zë
Dëshiron ta dëgjosh këtë lajm me zë?