Von der Leyen e Borrell janë nisur për në Kiev
Presidentja e Komisionit Evropian, Ursula von der Leyen dhe kryediplomati i BE-së, Josep Borrell, janë nisur për në kryeqytetin ukrainas Kiev.
Von der Leyen postoi një foto sot në Twitter, ku shihet duke ecur afër një treni së bashku me kryeministrin sllovak Eduard Heger, i cili po i bashkohet udhëtimit.
“Duke shkuar në Kiev”, tha ajo.
Looking forward to Kyiv.@JosepBorrellF @eduardheger pic.twitter.com/YFAgGr5Tlc
— Ursula von der Leyen (@vonderleyen) April 8, 2022
Borrell, Përfaqësuesi i Lartë i BE-së për Punët e Jashtme dhe Politikën e Sigurisë, postoi gjithashtu një foto të tij dhe Von der Leyen duke u nisur në udhëtimin e tyre.
Shefja e Komisionit Evropian do të takohet me presidentin ukrainas Volodymyr Zelensky “dikur” të premten, sipas zëdhënësit presidencial ukrainas Sergei Nikiforov, shkruan CNN.
Vizita vjen pasi blloku miratoi paketën e pestë të sanksioneve kundër Rusisë të enjten në mbrëmje.
Ministri i Jashtëm ukrainas Dmytro Kuleba tha në një konferencë për shtyp të NATO-s në Bruksel se sanksionet do të sinjalizonin “presion serioz” ndaj Rusisë, megjithëse ai ankohej për dështimin e bllokut për të synuar naftën dhe gazin rus në paketë./21Media
Dëshiron ta dëgjosh këtë lajm me zë?