Një 60 vjeçar i identifikuar si Fatos Dusha dyshohet se strehoi në Tiranë emigrantët e kapur dje në Vjosë.

Burime nga Policia e Vlorës bëjnë me dije se identifikimi i 60 vjeçari është bërë i mundur nga dëshmitë e emigrantëve.

Vijojnë hetimet për persona të tjerë të përfshirë.

Tre persona janë shpallur në kërkim nga policia e Vlorës, pasi rezultojnë të jenë njerëzit që do transportonin me gomone nga Shqipëria në drejtim të Italisë, rreth 50 emigrantë sirianë.

Rreth 50 klandestinë nga vendet në konflikt u shpëtuan mbrëmjen e 8 janarit 2021, pasi qëndruan për rreth tri orë në det të hapur në tentativë për të kaluar ilegalisht me gomone drejt Italisë nga një grup trafikantësh.

Mjeti lundrues mbeti i bllokuar për disa orë në grykëderdhjen të Vjosës, ku u ndërhy nga forcat shqiptare që sipas burimeve u njoftuan përmes një telefonate se po rrezikoheshin të mbyteshin në kushtet kur forca e detit ishte deri në 5 ballë./oranews