Edhe 4 viktima nga Covid-19 në Kosovë

Ministria e Shëndetësisë në Kosovë ka njoftuar se të dielën janë shënuar edhe 4 raste të vdekjes nga koronavirusi.
Sipas Ministrisë, në 24 orët e fundit janë regjistruar edhe 12 persona të infektuar me këtë virus, pas testimit të 2 mijë e 481  mostrave.
Autoritetet shëndetësore kanë thënë se më 10 tetor, 77 persona janë shëruar derisa mbi 1 mijë e 100 persona janë ende aktivë në koronavirus.
Prej nisjes së fushatës së vaksinimit 623.183 persona janë vaksinuar plotësisht kundër këtij virusi derisa 823.857 persona kanë marrë dozën e parë./21Media