Edhe një grabitje e armatosur në një bankë në Prishtinë

Persona të armatosur ua marrin nga duart paratë punëtorëve teksa po i depononin ato në bankë

Persona të armatosur kanë grabitur para në një bankë në rrugën “Bill Clinton”, Prishtinë.  Lajmi është konfirmuar nga zëdhënësja e policisë për Rajonin e Prishtinës, Flora Ahmeti.

“Rreth orës 20:00 në rrugën Bill Klinton, në Prishtinë derisa punëtorët e një kompanie kanë qenë duke deponuar paratë të njëjtëve dyshohet se u janë grabitur paratë nga persona të armatosur “, ka thënë Ahmeti për rtv21.tv.

Po ashtu ajo ka bërë të ditur se policia ka nisur hetimin lidhur me rastin dhe po punon në identifikimin e të dyshuarve ./21Media