Ekspertët tregojnë a do të kenë ndikim të menjëhershëm raketat e reja për Ukrainën

Një zotim nga Britania e Madhe për t’u bashkuar me SHBA-në në dërgimin e sistemeve raketore me rreze të gjatë në Ukrainë mund të bëjë një ndryshim, por “nuk do t’i ndryshojë gjërat brenda natës” për shkak të numrit të kufizuar, thotë një ekspert i luftës tokësore, transmeton rtv21.tv.
Raketat M270 që do të dërgohen në Ukrainë janë “xhevahiri i kurorës së aftësisë së Ushtrisë Britanike”, thotë Dr Jack Watling i Institutit Mbretëror të Shërbimeve të Bashkuara në Mbretërinë e Bashkuar (RUSI).
Duke folur për programin “Today të Radio 4”, Watling shton se këto sisteme mund të “trokasin” artilerinë ruse në Ukrainën lindore. Por ai thekson se ukrainasit do të duhet të trajnohen për t’i përdorur ato dhe shton se MB ka vetëm kaq sisteme për të dhuruar.
Sa i përket kërcënimit nga presidenti rus Putin për të zgjeruar listën e tij të objektivave nëse Perëndimi dërgon sisteme me rreze më të gjatë, Watling thotë se kjo do të ishte “shumë e vështirë” sepse Moska tashmë ka synuar ekonominë e Ukrainës si dhe pozicionet e saj të trupave./21Media