Aktori, Enver Petrovci, është shpërblyer me “Çmimin për Vepër Jetësore” gjatë ceremonisë së ndarjes së çmimeve vjetore për teatër nga ministria e Kulturës. Ky është çmimi i parë që jep juria kosovare.

Në programin “Për Ditë të Mbarë”, në RTV21, Petrovci tregoi se ishte në dilemë a ta pranonte këtë çmim.

Sipas Petrovcit, ai e pranoi çmimin për shkak se Qeveria e re, ministri i ri i kanë bërë një respekt atij, duke ia dhënë këtë çmim, i cili është i pari.

“Ky ministër i ri, më respektoi edhe unë e respektova, duke mos i bërë probleme dhe me gëzim e pranova dhe mendoj që nuk kam gabuar”, shtoi Petrovci.

Po ashtu, ai shprehet falënderues ndaj ministrit Çeku, për ndarjen e këtij çmimi./21Media