Escobar e rikonfirmon mbështetjen e SHBA-së për pavarësinë

Përfaqësuesi i Shteteve të Bashkuara të Amerikës për Ballkanin Perëndimor, Gabriel Escobar, ka thënë se Administrata e SHBA-së mbështet pavarësinë dhe integritetin territorial të Kosovës, por mënyra e zgjidhjes së çështjes me Serbinë duhet t’i lihet dialogut.
“Kjo administratë e ShBA-së mbështet fuqishëm pavarësinë dhe integritetin territorial të Kosovës. Përtej kësaj, se si Kosova dhe Serbia arrijnë zgjidhje duhet t’i lihet dialogut. Në fund të këtij procesi shpresojmë se rezultat do të jetë një zgjidhje e mirë si për Kosovën ashtu edhe me Serbinë. Kam besim se do të arrijmë atje”, ka deklaruar ai sot në një konferencë për media të mbajtur në Kosovë./21Media