Eurodeputeti Mandl gjatë qëndrimit në Izrael i dërgon mesazh shteteve të BE-së për Kosovën

Eurodeputeti austriak, Lukas Mandl, po qëndron për një vizitë në Izrael. Në Jerusalem ai është takuar me ambasadoren e Republikës së Kosovës atje, Ines Demiri.
Ai ka thënë se duke e njohur pavarësinë e Kosovës, Izraeli i ka dhënë edhe një herë botës një shembull mençurie dhe vizioni.
Mandl tutje ka thënë se vendet e BE-së që nuk e kanë njohur Kosovën, duhet ta bëjnë një gjë të tillë.
“Faleminderit Ines Demiri për bisedën e shkëlqyer në Ambasadën e Republikës së Kosovës në Jerusalem. Duke e njohur Kosovën Izraeli i ka dhënë edhe një herë botës një shembull mençurie dhe vizioni. Faleminderit! Vendet anëtarë të BE-së që nuk e kanë njohur Kosovën duhet ta ndjekin këtë shembull”, ka shkruar në Twitter, eurodeputeti austriak, mbështetës i Kosovës./21Media

Thx, @InesDemiri1, for our today‘s excellent exchange in the Ambassy of the Republic of #Kosovo in Jerusalem. By recognizing Kosovo #Israel has once again provided the world with an example of wisdom & vision. Faleminderit! תודה! The minority of EU-Members missing may follow. pic.twitter.com/YG0bQhGTw3

— Lukas Mandl (@lukasmandl) September 9, 2022