Federata e Futbollit Skandinav kërcënon me largim nga FIFA

Federata e Futbollit Skandinav, ku përfshihen kombëtaret si Danimarka, Suedia, Norvegjia, Finlanda, Islanda dhe Ishujt Faroe, së fundmi ka kërcënuar që do të largohet nga shtëpia e futbollit, FIFA.
Raportohet se të gjitha këto kombëtare kanë bërë një ankesë të përbashkët ku kanë treguar që do të largohen nga FIFA nëse vendoset që Kupa e Botës të jetë çdo dy vjet.
Të mërkurën, presidenti i FIFA-s Gianni Infantino ka deklaruar që ai dëshiron që të gjejë një konsensus në këtë ide që po konsiderohet të jetë jo e pëlqyeshme për shumë futbollistë.
Kupa e Botës aktualisht zhvillohet çdo katër vjet, por spekulohet se mund të miratohet një rregull që kjo garë të zhvillohet çdo dy vjet.