Federici: Do të vazhdojmë të ofrojmë një mjedis të sigurt

Komandanti i misionit të KFOR-it, gjeneral major Franco Federici, vizitoi sot njësitë e KFOR-it të vendosura në pikat e kalimit Jarinje dhe Bërnjak në veri.
Ai ka thënë se për dy javët e ardhshme, KFOR-i do të mbajë një prani të përkohshme në mbështetje të zbatimit të marrëveshjes së fundit mbi de-eskalimin e gjendjes në veri sipas marrëveshjes së arritur midis Kosovës dhe Serbisë në Bruksel.