Ferizaj përgatitet për Superligë me trajnerin Abazi
FC Ferizaj po përgatitet për sezonin e ardhshëm në Superligën e Kosovës, dhe ka bërë të ditur se këtë gjë do ta bëjë nën urdhrat e trajnerit Arsim Abazi.
Abazi do të jetë trajner i skuadrës së Ferizaj edhe për sezonin e ardhshëm 2024/25.
Abazi arriti me sukses ta inkuadrojë Ferizajn në Superligë, ndërsa u shpreh optimist se këtë sukses do ta bart edhe në kampionatin elitar vendor.
Ndërkaq, nga klubi i Ferizajt thanë se trajnerit Abazi do t’i ofrohen lojtarët më të mirë në treg, për një skuadër me mentalitet fitues dhe suksese në Superligë.
Lexim me zë
Dëshiron ta dëgjosh këtë lajm me zë?