Kurti premtoi se do të përkushtohen që të rregullojnë sistemin shëndetësor

Kurti premtoi se do të përkushtohen që të rregullojnë sistemin shëndetësor

Kandidati i Vetëvendosjes për kryeministër të Kosovës Albin Kurti, bashkë me struktura udhëheqëse të kësaj partie vizituan QKMF-në në ‘lagjen e Muhaxherëve’.

I pyetur për mungesën e barnave në Qendrat e Mjekësisë Familjare, Kurti tha se problemi qëndron në buxhetin e vogël që Komuna e Prishtinës ka. Ai madje tha se Filarmonia e Vjenës ka trefish më shumë buxhet se sa Komuna e Prishtinës.

“Është evidente që buxheti i komunës së Prishtinës është në shpërputhje me nevojat e qytetarëve dhe ai buxhet do të duhet të ishte shumë më i madh dhe me qeverinë e Vetëvendosjes ne natyrisht nuk do të mund ta trajtojmë kryeqytetin e Kosovës sikur se edhe një komunë të vogël edhe sa i përket pagave por edhe sa i përket  idesë së projektimit të buxhetit në këtë aspekt komuna e Prishtinës duhet të ketë buxhet më të madh nëse nuk jam gabim vetëm teatri i operës në Vjenë ka buxhet më të madh se buxheti i tërë i komunës së Prishtinës, këtu duhet të shtohet stafi mjekësor”, ka deklaruar Kurti.

Në fjalën e tij, Kurti përveç fjalëve të mira që pati për punën që është bërë në këtë Qendër të Mjekësisë Familjare, premtoi se do të përkushtohen që të rregullojnë sistemin shëndetësor.