Fillon Java për Personat e Pagjetur

Do të mbahen disa aktivitete për shënimin e Javës për Persona të Pagjetur

Me rastin e fillimit të aktiviteteve për shënimin e Javës për Persona të Pagjetur, në vigjilje të shënimit të 27 Prillit – Dita e të Pagjeturve të Kosovës, Këshilli Organizativ i përbërë nga përfaqësues të Komisionit Qeveritar për Persona të Zhdukur dhe shoqatave familjare do të bëjnë homazhe dhe vendosin lule pranë Përmendores dedikuar personave të zhdukur.

Pas homazheve të cilat do të ndodhin në ora 11:00, Këshilli Organizativ do të mbajë konferencë për media.

Bazuar në statistikat e institucioneve, janë 1660 persona që vazhdojnë të figurojnë të zhdukur që nga lufta e fundit në Kosovë.