Fituesja e lotos ndan çmimin me arkëtarin që i shiti biletën

Ky është momenti emocionues kur një fituese e moshuar e lotos ndau çmimin me arkëtarin që i shiti biletën fituese.
Marion Forrest, 86 vjeç, shkoi aty ku e kishte blerë biletën në Kaliforni, me një zarf me para dhe ia dorëzoi një punonjësi të dyqanit të quajtur Walter.
Çdo javë, Marion blen biletat e saj të lotos Fantasy 5, por ajo tha për News Channel 3 këtë javë ishte ndryshe sepse Walter e këshilloi atë të  për një biletë për shkak të çmimit të parë prej 500,000 dollarësh.
Pensionistja ra dakord dhe bleu një, duke i thënë arkëtarit nëse fitonte, ajo do t’i ndante fitimet me të, transmeton rtv21.tv.
“U ndjeva shumë mirë duke dalë nga dyqani sepse ai ishte i sjellshëm dhe i ëmbël”, tha ajo.
Por, ndërsa ajo nuk e mori xhekpotin, ajo nuk mbeti duarbosh sepse një nga biletat e saj i fitoi 300 dollarë.
Dhe të mërkurën, ajo i qëndroi besnike fjalës dhe bëri një ndalesë surprizë në dyqanin ku bleu biletën.
Marion solli gjithashtu tullumbace me emrin e Walter dhe i dhuroi atij një zarf me 150 dollarë brenda.
Videoja është shpërndarë në Instagram. Është parë gati 1.5 milion herë që nga ora 17:30.
Walter tha për News Channel 3 se ishte shumë mirënjohës për dhuratën nga Marion, për të cilën tha se ka qenë një kliente besnike prej vitesh./21Media