Gërvalla: Spanja që nga 1 janari i njohu pasaportat e Kosovës
Ministrja e Punëve të Jashtme, Donika Gërvalla ka thënë se Sapnja që nga 1 janari i këtij viti i ka njohur pasaportat e kosovës.
Përmes një postimi në platformën X, Gërvalla ka thënë se qytetarët e Kosovës mund të udhëtojnë pnë Spanjë qysh prej tani.
“Qytetarët e Kosova mund të udhëtojnë në Spanjë tani. Bazuar në njoftimet e shteteve anëtare të BE-së deri më 5 janar 2024, Mbretëria e Spanjës njeh pasaportat e zakonshme të Republikës së Kosovës që nga 1 janari 2024”, ka njoftuar Gërvalla përmes platformës “X”.
Citizens of Kosova can travel to Spain now.
Based on the notifications from EU Member States until 5 January 2024, the Kingdom of Spain 🇪🇸 recognises ordinary passports of the Republic of Kosova 🇽🇰 as of Jan 1, 2024.
🇪🇺🇪🇸🇽🇰
¡MUCHAS GRACIAS, ESPAÑA!
¡BIENVENIDO EN KOSOVA!— Donika Gërvalla-Schwarz (@gervallaschwarz) January 6, 2024
Sot gjatë ditës, Zëvendëskryeministri Besnik Bislimi ka bërë të ditur se Spanja njeh pasaportat e Republikës së Kosovës.
Ai në një postim në “Facebook” ka shkruar se qytetarët e Kosovës mund të udhëtojnë pa viza dhe drejt këtij shteti evropian, i cili ende nuk e ka njohur pavarësinë e shtetit tonë.
“DG Home ka njoftuar se tashmë edhe Spanja i njeh pasaportat e Republikës së Kosovës. Pra, mund të udhëtojmë pa viza dhe drejt këtij shteti. Ndërsa më 1 janar nisi lëvizja pa viza, Spanja është destinacion që i shtohet vendeve të zonës Shengen ku mund të udhëtojmë përmes liberalizimit, e ku pengesë më herët ishte mosnjohja e pasaportës sonë. Vazhdojmë tutje, për të sjellë lajme të tjera të mira, e që ndikojnë pozitivisht për qytetarët tanë”, shkruan Bislimi.
Ndryshe, DG HOME, Departament i Komisionit Evropian, është përgjegjës për migracionin dhe çështjet e brendshme./21Media