Gjatë fjalimit të Netanyahut dhjetëra njerëz largohen nga salla e OKB-së
Kryeministri izraelit Benjamin Netanyahu mbajti një fjalim në Asamblenë e Përgjithshme të Kombeve të Bashkuara në Nju Jork.
Ai thotë se njohja e një shteti palestinez është “çmenduri e pastër, është çmenduri dhe ne nuk do ta bëjmë”, duke shtuar se njohja nga disa vende të tjera është “e turpshme”.
Ndërsa Netanyahu ngjitet në skenë, dhjetëra njerëz u larguan nga salla në New York në shenjë proteste, ndërsa disa duartrokisnin
Netanyahu thotë se altoparlantët në Izrael po e transmetojnë fjalimin në Gaza
Duke iu drejtuar drejtpërdrejt pengjeve që mbahen nga Hamasi, ai thotë: “Ne nuk ju kemi harruar – as për një sekondë. Populli i Izraelit është me ju”.
Fjalimi i tij vjen ndërsa Donald Trump thotë se nuk do të lejojë Izraelin të aneksojë Bregun Perëndimor të pushtuar nga Izraeli – ai do të takohet me Netanyahun të hënën.
Izraeli po përballet me presion global në rritje për t’i dhënë fund konfliktit dhe pushtimit të Bregut Perëndimor.
Duke folur në OKB të enjten, presidenti palestinez Mahmoud Abbas përsëriti refuzimin e tij për një rol qeverisës të ardhshëm për Hamasin në Gaza dhe kërkoi që ai të çarmatoset./21Media
Dëshiron ta dëgjosh këtë lajm me zë?