Hamza njofton FMN-në për stabilitetin makro fiskal

Hamza priti në takim Misionin e Fondit Monetarë Ndërkombëtarë për Kosovën

Ministri i Financave Bedri Hamza ka pritur sot në takim Misionin e Fondit Monetar Ndërkombëtarë për Kosovën të udhëhequr nga Stephanie Eble.

Gjatë takimit Ministri Hamza e njoftoi Misionin e Fondit Monetar Ndërkombëtarë për progresin të cilin e ka arritur Kosova gjatë këtyre muajve në fushën e financave, për trendin e mirë të hyrave, nivelin e shpenzimeve buxhetore, si dhe për stabilitetin makro fiskal në përgjithësi. Ministri Hamza, po ashtu e njoftoj stafin e FMN-së per ligjet e reformës tatimore dhe planet për të vazhduar me reforma në politika fiskale në të mirë të bërit biznes në Kosovë, thuhet në njoftimin e dërguar nga Ministria e Financave.

Hamza gjithashtu u shpreh se Ministria e Financave vazhdon të ketë raporte të shkëlqyera me Fondin Monetar Ndërkombëtare dhe falënderoi FMN-në për ndihmën që vazhdon të jep për Ministrinë e Financave dhe agjencitë e saj.

Ndërsa, udhëheqësja e Misionit të Fondit Monetar Ndërkombëtarë për Kosovën Stephanie Eble, falënderoj ministrin Hamza për paraqitjen e progresit dhe vlerësoj bashkëpunimin e shkëlqyeshëm të misionit të FMN me Ministrin e Financave./21Media