Gjendet pa shenja jete një person në Prishtinë
Rasti është inicuar si vdekje e dyshimt
Një i moshuar është gjetur pa shenja jete, mëngjesin e sotëm në afërsi të objektit të Komunës së Re në Prishtinë.
Lajmin e ka konfirmuar për portalin rtv21.tv zëdhënësja e policisë për Rajonin e Prishtinës, Flora Ahmeti.
“Rreth orës 08:00 kemi pranuar informatën se një person është pa shenja jete, në rrugën “Vicianum” në Prishtinë. Vdekjen e viktimës A.B mashkull 65 vjeç e ka konstatuar ekipi mjekësor në vendngjarje”, tha Ahmeti.
Sipas policisë rasti është iniciuar si vdekje e dyshimtë, me rastin po merren njësitet përkatëse./21Media