Gjendet trupi i pajetë i personit që u raportua i zhdukur në Vuçë të Leposaviqit

Shoqata e Kosovës për Kërkim dhe Shpëtim ka njoftuar se është gjetur pa shenja jete fshatari i cili është zhdukur në fshatin Vuçë të Leposaviqit.

Bëhet e ditur se trupi i pajetë i viktimës është gjetur në ditën e pestë të kërkimit.

“Është gjetur trupi i pa jetë në ditën e pestë të kërkimit i fshatarit nga fshati Vuçë e Leposaviqit nga pjesëtarët e Policisë së Kosovës në bashkëpunim me Shoqatën e Kosovës për Kërkim dhe Shpëtim, zjarrfikësit dhe bashkëfshatarë”, thuhet në njoftimin e bërë për media./21Media