Gjesti i turpshëm i Ronaldos ndaj tifozëve që brohorisnin emrin e Messit
Cristiano Ronaldo raportohet se do të përballet me një hetim pasi bëri një gjest të turpshëm pas një ndeshjeje në Ligën Pro Saudite.
Të dielën, Al-Nassr i 39-vjeçarit u përball me Al-Shabab, skuadër e cila ka një përbërje ish-mesfushorin e Atletico Madridit, Yannick Carrasco dhe ish-yllin e Barcelonës, Ivan Rakitic.
Por, gjatë ndeshjes, reprezentuesi portugez u duk se ishte i acaruar nga tifozët në turmë duke brohoritur emrin e ish-rivalit të tij në El Classico, Lionel Messi.
Në përgjigje, Ronaldo vuri dorën te veshi i tij përpara se të bënte një gjest drejt bigës së tij me sinjalin me sa duket drejtuar mbështetësve të pranishëm.
Sipas një raporti nga The Telegraph, gazeta saudite Asharq al-Awsat tha se federata kombëtare e futbollit (SAFF) ka hapur një hetim për incidentin në fjalë.
Në sezonin e tij të dytë në Arabinë Saudite, ylli portugez po vazhdon me shënimin e shumë golave dhe aktualisht është në krye të listave të golashënuesve të ligës.
Penalltia e së dielës e çoi numrin e tij në 22 gola në 20 paraqitje.
Megjithatë, Al-Nassr mbetet katër pikë prapa Al-Hilal të pamposhtur në tabelën e ligës.
— @TrollFootball Videos (@TF_Video) February 25, 2024