Gjuajtën me armë në një aheng familjar, policia nis hetimet ndaj dy personave

Policia e Kosovës ka njoftuar se ka sekuestruar dy armë zjarri, AK-47 dhe një pistoletë në Prizren.

Në njoftimin e Policisë bëhet e ditur se, dyshuari ka pranuar se ka gjuajtur me armë së bashku me mikun e tij në një gazmend familjar në muajin shkurt.

“I dyshuari ka pranuar gjithashtu se me date 23 shkurt 2023, në një gazmend familjar në shtëpinë e tij në fshatin Metvecë ,KK Prizren, ai bashke me mikun e tij kane gjuajtur me arme zjarri”, thuhet në njoftimin e Policisë.

Kundër të dyshuarve ka filluar hetimi për veprën penale “Mbajtje në pronësi kontroll, posedim apo shfrytëzim ia pa autorizuar i armës” dhe “Shkaktim i rrezikut të përgjithshëm”.

Në konsultim me prokurorin e krimeve të rënda, të dyshuarit janë liruar dhe rasti hetohet në procedurë të rregullt./21Media