Gjykimi ndaj Shalës, përfundon dëshminë eksperti mjeko-ligjor
(Lajm i përditësuar)
Eksperti mjeko-ligjor, Marek Gasior ka përfunduar sot dëshminë e tij në Hagë kundër ish-pjesëtarit të UÇK-së, Pjetës Shala. Me të përfunduar dëshminë e tij, për sot ka përfunduar edhe seanca gjyqësore në rastin Shala.
Gjatës seancës së sotme dëshmitari i nënët i ZPS-së, Gasior iu është përgjigjur kundra-pyetjeve të mbrojtjes së Shalës.
Dëshmitari i ZPS-së u shpreh se tek personi ‘C’ nuk kishin dëshmi të lëndimeve në shputën e këmbës së djathtë pasi ato lëndime nuk kanë qenë të dukshme nga jashtë, dhe se nuk e di nëse është bërë radiografi apo jo ndonëse ai i ka rekomanduar një gjë të tillë vetë pacientit.
Në pjesën e fundit të parashtrimit të pyetjeve avokati mbrojtës i Pjetër Shalës, Muhamed Hedi Auini kërkoi të dinte nëse eksperti kishte gjetur lëndime në shputën e këmbës së djathtë ashtu siç kishte thënë vetë personi ‘C’.
Auini: Ju keni shënuar me një listë pikat e ndryshme, i keni diskutuar këto me kolegen e nderuar të ZPS, po ashtu thuhet se nuk ka dëshmi të lëndimeve të mëparshme në shputën e këmbës së djathtës. Pra ju nuk keni gjetur gjurmë të thyerjes së kockave në shputën e këmbës së djathtë.
Gasior: Shputa e këmbës së djathtë, fotografitë 21 dhe 22, është ky shënim. Kshëtu që nuk ka dëshmi të lëndimeve të më ardhshme në shputën e këmbës së djathtë, kjo do të thotë se nuk kanë qenë të dukshme nga jashtë.
Auini: A keni kërkuar që të bëhet radiografi në rastin e pacientit ‘C’.
Gasior: Pacienti u informua, domethënë i dhashë rekomandim që të bënte radiografi.
Auini: E morët përgjigjen e radiografisë?
Gasior: Në raport nuk ka informacion që ai të jetë riparaqitur në departamentin ku kam punuar, nuk kam dijeni të radiografisë të jetë bërë radiografia apo jo.
Avokati Auini dëshiroi konfirmim për shenjat e pacientit ‘C’ të cilat në raport thuhej se i ishin shkaktuar nga kontakti me temperaturë të lartë, për të cilat vetë personi ‘C’ kishte thënë se i ishin bërë nga “kontakti me elektroshok”.
Ndërsa, dëshmitari Gasior u shpreh se vetëm informacionet e dhëna nga pacienti ishin përfshirë në raport.
Auini: Individi ‘C’ ka përmendur se i ka bërë elektroshok, pyetja që kam unë është se këto shenja sipërfaqësore të lëkurës të cilat ju i patë dhe keni thënë se janë rezultat kontakti me temperaturën e lartë, a do të ishte e mundshme të shkaktoheshin në rastin të goditjes me elektroshok apo pajisjet e lëvizshme elektroshoku?
Grasior: Informacioni që kemi marrë nga pacienti, ai është përfshirë në raport tani, gjatë vetë këqyrjes së trupit unë konstatova praninë e shenjave sipërfaqësore, këto mund të kenë qenë pasojë e djegieve.
Gjatë ditës së nesërme për ekspertin e radhës i cili është dëshmitar i ZPS-së, nga vetë Zyra e Prokurorit të Specializuar u tha se do t’iu nevojiten vetëm 1 orë kohë.
Pas përfundimit të kundra-pyetjeve të mbrojtjes së Pjetër Shalës, pyetje sqaruese ka bërë përsëri Zyra e Prokurorit të Specializuar. Ndërsa, më pas pyetje sqaruese parashtroi edhe trupi gjykues.
Në mars ka filluar paraqitja e provave të Zyrës së Prokurorit të Specializuar në rastin e Shalës, ku deri më tani janë dëgjuar gjashtë dëshmitarë.
Pjetër Shala po qëndron në Hagë prej marsit të vitit 2021.
Sipas Speciales “Krimet për të cilat akuzohet Shala u kryen përafërsisht midis 17 majit 1999 dhe 5 qershorit 1999 kundër personave që u mbajtën të ndaluar në fabrikën e metalit në Kukës(Shqipëri), që pretendohet se përdorej prej Ushtrisë Çlirimtare të Kosovës”.
Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, n bazë të një kërkese për bashkëpunim në zbatimin e fletarrestit dhe urdhrit për transferim lëshuar nga Dhomat e Specializuara të Kosovës.
Mbrojtja e Shalës pyet ekspertin mjeko-ligjor për raportet e tij mjekësore për individin ‘A’ dhe ‘B’
Në seancën e sotme gjyqësore në Hagë ndaj Pjetër Shalës, eksperti mjeko-ligjor Marek Gasior në pjesën e parë të seancës nga mbrojtja e Shalës u pyet më shumë për raportin e autopsisë që i kishte bërë vetë Gasior individit ‘A’, por nuk munguan as pyetjet për këqyrjen fizike për individin ‘B’. Derisa dëshmia për individin ‘A’ u dha në seancë të hapur për publikun, ajo për individin ‘B’ ishte kryesisht me përmbajtje të redaktuar por edhe private.
Avokati mbrojtës i Pjetër Shalës, Muhamed Hedi Auini kërkoi të dinte se individi ‘A’ a kishte gips në këmbën e tij apo jo, çka konfirmoi dëshmitari.
“Autopsia e këtij individi u krye përpara 14 vitesh, u përpilua edhe proces verbali në bazë të punës time të kësaj autopsie që e kam përpara meje, por vetë autopsia dhe vetë autopsia kanë kaluar 14 vite më vjen keq nuk më kujtohet. Këtu nga raporti që kam përpara del se pacienti në këmbën e djathtë kishte vërtet gips… Kur shohim fotografinë 11, ajo që shohim është pjesa e pasme e trupit në tryezën e autopsisë, është shtirë kufoma përmbysë, sa i takon fotografisë 12 shohim gipsin në fjalë, këtë na tregon ky raport”, theksoi ai.
Avokati i Shalës, Auini pyeti për ‘procesin e sapunizimit’ të trupit të individit ‘A’ dhe se a kishte inde apo vetëm skelet kur i ishte bërë autopsia trupit të tij.
Më pas eksperti mjeko-ligjor, Marek Gasior u shpreh se indet e buta të personit ‘A’ ishin transformuar pas shpërbërjes së trupit pas vdekjes.
Auini: Aty përmendet se në këtë rast përshtatej, trupit të individ ‘A’ të gjitha indet e buta ishin ‘sapunizuar’
Gasior: Raporti thotë se indet e buta të personit ‘A’ ishin transformuar pas shpërbërjes së trupit pas vdekjes, prandaj kishte ndodhur transformimi i dhjamit dhe quhet si ‘procesi i sapunizimit’
Auini: Iu kujtohet nëse nga trupi kishte mbetur vetëm skeleti
Gasior: Pjesërisht kishte mbetur vetëm skeleti dhe pjesërisht indet e buta të individit ‘A’ ishin ‘sapunëzuar’
Auini: A mund të themi se asnjë ind i butë nuk kishte mbetur në trup
Gasior: Në trupin e pacientit ‘A’ kishin mbetur inde të buta të cilat ishin transformuar pas vdekjes në procesin që ne e quajmë ‘sapunizim’
Pas kësaj avokati, Auini dëshmitarin e ZPS-së e ballafaqoi me një pjesë të raportit të tij për individin ‘A’ ku kishte deklaruar se nuk kishin mbetur inde të buta, më pas sqarime dha vet eksperti për çka tha se gjatë këqyrjes pas vdekjes e pas zhvarrosjes së trupit, indet e buta ishin hequr dhe ishin vendosur në tryezën e autopsisë për të shikuar nëse kishte lëndime në skelet.
Referuar raportit të autopsisë të bërë nga eksperti, Gasior, avokati i Pjetër Shalës kërkoi të dinte edhe për plagët e përshkruara në raport, më saktësisht Auini kërkoi të di se a ishin bërë matje të vrimave të gjuajtjeve me armës zjarri që kishte pasur në trup individi ‘A’.
Më pas vetë Gasior tha se ishin bërë matje milimetrike.
Auini: A mund të na konfirmoni se në raport ku thuhet dy deri tre plagë plumbi dhe javën e kaluar thatë se mendimi juaj ishte se kishte 3 gjuajtje me armë zjarri, a konfirmoni se nuk u bë asnjë matje e vrimave prandaj nuk është përmendur kjo në raport.
Gasior: Gjatë këqyrjes të mbetjeve të skeletit u ishin tre plagë plumbi në gjurin e djathtë nga të cilat dy kanë hyrë mes për mes gjurit, pra në kupën e gjurit në kocën e gjurit dhe e shtëna e tretë plaga e tretë pra ka qenë tangjentiale pra sipërfaqësore.
Auini: U bënë ndonjë matje e diametrit të vrimave që u shikuan në kufomë, shohim se në raport përmenden ndonjë matje me centimetra e milimetra por për këtë nuk shohim asnjë lloj matje, a e konfirmoni këtë?
Gasior: Në këtë raport sa u takon lëndimeve të dukshme në kockë të shkaktuara nga arma e zjarrit është bërë një përmbajtje e rrezes me numër, është bërë një matje në milimetra.
Avokati i Shalës parashtroi pyetje edhe për vlerësimet e ekspertit për kohën që kishte vlerësuar se kishte ndodhur vdekja e pacientit nga gjuajtja me armë zjarri, e më pas dëshmitari i ZPS-së tha se koha nga lëndimi e deri tek vdekja e pacientit ka qenë e shkurtër brenda pak ditësh.
Auini: Në vlerësimin tuaj, koha nga gjuajtja me armë zjarri deri tek vdekja e personit ka qenë e shkurtër, a mund të na thoni si e vlerësoni ju sa e shkurtër ka qenë kjo kohë nga momenti që është gjuajtur deri në momentin që vdiq.
Gasior: Këqyrja e kockave të dëmtuara nuk tregoi se kishte pasur shërim apo rikuperim, prandaj koha nga lëndimi që pësoi pacienti dhe deri në momenti që vdiq ka qenë e shkurtër, koha për shërim varet nga shumë faktor ndër të cilët mosha e pacientit, faktor personal të cilët luajnë rol të rëndësishëm, mund të përsërisë se ka qenë kohë e shkurtër… Unë do të thosha se maksimumi ka qenë pak ditë.
Auini: Edhe ky është rast edhe kur plagët lihen të pamjekuara.
Gasior: Tek fotografia ku duken kockat e dëmtuara nuk ka asnjë shenjë të dukshme shërimi, çka tregon se koha nga lëndimit e deri tek vdekja ka qenë e shkurtër.
Ndërsa, derisa mbrojtja e Pjetër Shalaës, kërkoi të dinte për raportin e autopsisë për individin ‘B’ disa informacione u dhanë të redaktuara nga Specialja e kishte dhe pjesë në seancë të mbyllur për publikun. Eksperti mjeko-ligjor, Marek Gasior tha se individi ‘B’ kishte plagë të cilat, siç tha ai, ishin rezultat i një traume.
Ndërsa, për plagën e këmbë Gasior u shpreh se “ishte plagë që ka mbuluar indet e buta”.
Gasior: Ishin plagë që i kishte pasur 11 vite përpara se të bëhej këqyrja e tij, gjatë procesit të këqyrjes ne mund të shikonim shenjat e mbetura nga plagët, të përshkruara në raportin tim.
Auini: A e kuptojmë drejtë se është e pamundur të përcaktohet përfundimisht se cili ka qenë shkaku i plagës së pësuar nga pacienti?
Gasior: Plagët e përshkruara kanë ardhur si rezultat i një traume.
Auini: Ju folët edhe për një plagë që kishte pasur pacienti në shpatull, a jeni dakord me mua se është e pamundur të përcaktohet se kush ka qenë burimi i kësaj plagosjeje, çfarë e ka shkaktuar këtë plagë në shpatullën e pacientit?
Gasior: Këto plagë të cilat kanë lënë si pasojë shenja të dukshme tek pacienti, kanë ardhur si rezultat i një traume.
Pas kësaj seanca vazhdoi për e mbyllur për publikun.
Në mars ka filluar paraqitja e provave të Zyrës së Prokurorit të Specializuar në rastin e Shalës, ku deri më tani janë dëgjuar gjashtë dëshmitarë.
Pjetër Shala po qëndron në Hagë prej marsit të vitit 2021.
Sipas Speciales “Krimet për të cilat akuzohet Shala u kryen përafërsisht midis 17 majit 1999 dhe 5 qershorit 1999 kundër personave që u mbajtën të ndaluar në fabrikën e metalit në Kukës(Shqipëri), që pretendohet se përdorej prej Ushtrisë Çlirimtare të Kosovës”.
Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, n bazë të një kërkese për bashkëpunim në zbatimin e fletarrestit dhe urdhrit për transferim lëshuar nga Dhomat e Specializuara të Kosovës.
Mbrojtja e Shalës sot parashtron kundra-pyetjet për ekspertin mjeko-ligjor
Pranë Dhomave të Specializuara të Kosovës në Hagë sot ka vazhduar procesi gjyqësor kundër ish-pjesëtarit të Ushtrisë Çlirimtare të Kosovës, Pjetër Shala.
Në seancën e sotme në gjykatoren e Hagës mbrojtja e Shalës ka nisur parashtrimin e kundra-pyetjeve karshi dëshmitarit të Zyrës së Prokurorit të Specializuar i cili është eksperti mjeko-ligjor, Marek Gasior.
Avokati mbrojtës i Pjetër Shalës, Muhamed Hedi Auini deklaroi se brenda një seance do t’i përfundojnë kundra-pyetjet e tyre karshi dëshmitarit të ZPS-së.
Përpara se të nisi mbrojtja e Shalës me pyetjet e saj, trupi gjykues mori dy urdhra gojor që kanë të bëjë me prova materiale. I pari urdhër gojor ishte për Zyrën Administrative për caktimin e një numri të një prove materiale e cila ishte kërkesë e ZPS-së.
Ndërsa, me urdhrin e dytë, trupi gjykues aprovoi kërkesën e mbrojtjes së Pjetër Shalës për të shtuar një material në listën e materialeve që do t’i bëjnë pastaj pyetjet karshi dëshmitarit të sotëm i cili është ekspert mjeko-ligjor.
“Duke qenë se nuk janë ngritur kundërshtime nga ZPS dhe mbrojtja e viktimave trupi gjykues e autorizon mbrojtjen që ta shtojë këtë material në listën e materialeve që do të përdorë gjatë kundra-pyetjeve që do ia bëjë sot dhe udhëzon mbrojtjen që ta ndryshojë listën e materialeve dhe ta përditësojë këtë listë”, tha ajo.
Eksperti mjeko-ligjor, Marek Gasior dëshminë e tij kundër Pjetër Shalës e ka nisur qysh javën e kaluar dhe pyetjet ndaj tij i kanë përfunduar Zyra e Prokurorit të Specializuar dhe mbrojtja e viktimave.
Ndërsa, edhe këtë seancë të sotme, ish-pjesëtari i UÇK-së, i akuzuari Shala po e përcjell nga qendra e paraburgimit përmes video-lidhjes.
Në mars ka filluar paraqitja e provave të Zyrës së Prokurorit të Specializuar në rastin e Shalës, ku deri më tani janë dëgjuar gjashtë dëshmitarë.
Pjetër Shala po qëndron në Hagë prej marsit të vitit 2021.
Sipas Speciales “Krimet për të cilat akuzohet Shala u kryen përafërsisht midis 17 majit 1999 dhe 5 qershorit 1999 kundër personave që u mbajtën të ndaluar në fabrikën e metalit në Kukës (Shqipëri), që pretendohet se përdorej prej Ushtrisë Çlirimtare të Kosovës”.
Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, n bazë të një kërkese për bashkëpunim në zbatimin e fletarrestit dhe urdhrit për transferim lëshuar nga Dhomat e Specializuara të Kosovës.