Granatime tjera në centralin bërthamor në Ukrainë

Granatime të reja në centralin bërthamor të Zaporizhzhia të Ukrainës janë raportuar të enjten, me Ukrainën dhe Rusinë që fajësojnë sërish njëra-tjetrën për sulmin.
Secila palë tha se kishte gjithsej 10 goditje në zyrën administrative të uzinës dhe stacionin e zjarrfikësve.
Sekretari i Përgjithshëm i OKB-së, António Guterres paralajmëroi se luftimet mund të “çojnë në katastrofë” në centralin më të madh bërthamor të Evropës, të pushtuar nga Rusia në fillim të marsit.
Ukraina paralajmëroi se Rusia mund të provokojë aksidentin më të keq bërthamor në botë, shkruan BBC.
Të mërkurën, ministrat e jashtëm nga grupi G7 i vendeve të industrializuara thanë se Rusia duhet t’ia kthejë menjëherë kontrollin e uzinës Kievit.
Objekti dhe zona përreth tij në Ukrainën qendrore-lindore panë bombardime javën e kaluar, ku Rusia dhe Ukraina gjithashtu akuzuan njëra-tjetrën për atë sulm.
Ukraina thotë se Rusia e ka kthyer vendin në një bazë ushtarake, duke nisur sulmet nga atje, duke e ditur se forcat ukrainase nuk kanë gjasa të hakmerren.
Moska e mohon pretendimin./21Media