Grenell: Implementimi i marrëveshjes, prioritet i administratës Trump

 

 

Emisari Special i Shteteve të Bashkuara të Amerikës për dialogun Kosovë – Serbi, Richard Grenell, ka thënë se për administratën Trump është top-prioritet implementimi i marrëveshjes së arritur në Washington.

“Implementimi i marrëveshjes së bërë nga Kosova dhe Serbia është top-prioritet për administratën Trump. Shihemi në Prishtinë dhe Beograd këtë javë”, ka shkruar ai në Twitter.

Grenell i është përgjigjur në Twitter ambasadores së Kosovë në SHBA, Vlora Çitaku. Ajo kishte përshëndetur vizitën që do ta bëjë nesër delegacioni i SHBA-së në Kosovë.