Gruaja e Joe Biden preket me COVID-19
Zonja e parë e SHBA-së, Jill Biden rezultoi pozitive me Covid-19 të hënën, njoftoi Shtëpia e Bardhë.
“Këtë mbrëmje, Zonja e Parë rezultoi pozitive me COVID-19. Ajo aktualisht po përjeton vetëm simptoma të lehta. Ajo do të qëndrojë në shtëpinë e tyre në Rehoboth Beach, Delaware”, tha në një deklaratë zëdhënësja e zonjës së parë Elizabeth Alexander.
Presidenti Joe Biden, 80 vjeç, rezultoi negativ, sipas Shtëpisë së Bardhë.
Një zyrtar i administratës i tha CNN të hënën se nuk ka ndryshime në protokollet e Shtëpisë së Bardhë Covid ose në orarin e presidentit në këtë kohë.
Diagnoza e zonjës së parë, 72, vjen në mes të një jave të ngarkuar për Joe Biden, i cili mbajti një fjalim për Ditën e Punës në Filadelfia më herët gjatë ditës. Presidenti është planifikuar t’i dorëzojë Medaljen e Nderit një kapiteni të ushtrisë në një ceremoni në Shtëpinë e Bardhë të martën përpara se të niset për në Samitin e G20 në Indi të enjten.
Verën e kaluar, zonja e parë rezultoi pozitive për Covid-19 gjatë pushimeve në Karolinën e Jugut në gusht. Presidenti Joe Biden doli pozitiv korrikun e kaluar. Të dy përjetuan raste të rikthimit menjëherë pasi u trajtuan me Paxlovid./21Meda