Rama: Gjykimi në Hagë ngre pikëpyetje mbi nivelin e respektimit të parimit demokratik

Kryeministri i Shqipërisë, Edi Rama ka reaguar në lidhje me intervistën nga qelia të ish-presidentit të Kosovës, Hashim Thaçi.

Përmes një mesazhi në rrjetin social Facebook, teksa shpërndan intervistën, Rama thekson se ndaj Thaçit po zhvillohet një gjykim që sa më shumë vazhdon, aq më shumë ngre pikëpyetje mbi nivelin e respektimit të parimit themelor demokratik të “procesit të drejtë”.

“MIRËMËNGJES! Dhe me këtë intervistë të Presidentit të Republikës së Kosovës e komandantit të Ushtrisë Çlirimtare të Kosovës, mikut tonë e vëllait tim Hashim Thaçi, i cili ka folur për herë të parë qysh nga dita e kyçjes në burgun e Hagës, ku po zhvillohet një gjykim që sa më shumë vazhdon, aq më shumë ngre pikëpyetje mbi nivelin e respektimit të parimit themelor demokratik të “procesit të drejtë”, ju uroj një ditë të mbarë të gjithëve ju, në Shqipëri e në Kosovë”, shkruan kreu i qeverisë Edi Rama në mesazhin e tij përmes rrjeteve sociale.