Gruaja ukrainase-ushtarit rus: Futi farat e lulediellit në xhep që të rriten kur të vdesësh

February 25, 2022Përditesimi i fundit: February 25, 2022

Një grua ukrainase është përshëndetur për trimërinë e saj pasi u përball me një ushtar rus të armatosur rëndë dhe i ofroi fara luledielli – në mënyrë që ato të lulëzojnë kur ai të vdiste.
Gruaja u kap në kamera duke shprehur zemërimin e saj teksa Rusia pushtoi Ukrainën të enjten, me tanke dhe sulme ajrore që synonin qytetet e mëdha. Ukraina thotë se pësoi 137 viktima në ditën e parë të luftës .
Gruaja shihet në video duke pyetur ushtarët “Kush jeni ju?”, për të cilën një ushtar që qëndron në rrugë i thotë “Kemi ushtrime këtu. Ju lutemi shkoni në këtë rrugë”.
Pasi pyeti nëse ata janë rusë, ajo tha “Pra, çfarë po bëni këtu?”
Ndërsa ushtarët përpiqeshin ta qetësonin, gruaja e tërbuar tha “Ju jeni okupatorë, ju jeni fashistë! Çfarë po bëni në tokën tonë me gjithë këto armë? “Merrni këto fara dhe vendosini në xhepat tuaj, kështu që të paktën luledielli të rriten kur të shtriheni të gjithë këtu”, tha ajo.
Ajo vazhdoi t’i ofronte atij farat e lulediellit, që është lulja kombëtare e Ukrainës, transmeton rtv21.tv.
Videoja u shpërnda në internet nga Interneës Ukraine, një organizatë e pavarur mediatike bamirëse me qendër në Kiev. Që atëherë ajo është bërë virale në mediat sociale me më shumë se dy milionë shikime, dhe ka shkaktuar një vërshim komentesh emocionale.
Videoja virale vjen pasi pushtimi rus i Ukrainës vazhdoi në ditën e dytë dhe shpërthimet u dëgjuan në kryeqytetin Kiev./21Media

Tags
February 25, 2022Përditesimi i fundit: February 25, 2022
Back to top button