Haradinaj: Qeveria po godet prodhuesit vendorë, derdhja e qumështit e dhimbshme
Ramush Haradinaj, ka reaguar për protestën e sotme të fermerëve pranë Ministrisë së Bujqësisë, ku tha se “pamjet e derdhjes së qumështit nga fermerët në lumenj dhe në rrugë janë të dhimbshme dhe shqetësuese. Si pasojë e vështirësive të krijuara në shitjen e prodhimit të tyre, fermerët po detyrohen të ndërmarrin edhe veprime të tilla ekstreme në shenjë proteste”.
Haradinaj tha se “Qeveria në detyrë, me qasje armiqësore, po godet direkt prodhuesin vendor, mirëqenien e fermerit, familjen e tij dhe gjithë ekonominë tonë”.
“Ftoj institucionet të reflektojnë dhe t’i marrin seriozisht kërkesat e fermerëve dhe t’i kompensojnë dëmet e shkaktuara. Të mos i trajtojnë si kundërshtarë, por si partnerë në zhvillimin ekonomik të vendit”, është shprehur ai.
Dëshiron ta dëgjosh këtë lajm me zë?