Holanda dërgon 200 raketa “Stinger” në Ukrainë
Holanda do të dorëzojë 200 raketa anti-ajrore Stinger në Ukrainë sa më shpejt të jetë e mundur, tha kabineti të shtunën.
Vendimi vjen pas kërkesave shtesë nga Ukraina për pajisje ushtarake. Për këtë kërkesë, u bë një vlerësim i kujdesshëm, por i shkurtuar ndaj kritereve të eksportit të armëve, sipas një letre dërguar nga ministri i Jashtëm Wopke Hoekstra dhe ministrja e Mbrojtjes Kajsa Ollongren drejtuar Tweede Kamer, transmeton rtv21.tv.
Përveç 200 raketave Stinger, Holanda ka dërguar tashmë pajisjet ushtarake që u angazhuan për të siguruar “për vetëmbrojtje të Ukrainës kundër një sulmi të armatosur nga Rusia”, tha Hoekstra.
Një pjesë e këtij materiali tashmë është dërguar, ndërsa të tjera do të dërgohen sa më shpejt që të jetë e mundur./21Media
Dëshiron ta dëgjosh këtë lajm me zë?