Holanda në gjysmëfinale
(Lajm i përditësuar)
Holanda në gjysmëfinale
Holanda e ka fituar ndeshjen dramatike të çerekfinales së Evropianit 2024 ndaj Turqisë dhe i është bashkuar Anglisë në gjysmëfinale të turneut.
Holandezët të shtunën mbrëma fituan me rikthim të rezultatit 2:1.
Qendërmbrojtësi, Samet Akaydin i dha epërsinë Turqisë në minutën e 35-të dhe tifozët u bënë gati për një tjetër festë të madhe.
Por, festa e tyre në Berlin u ndal në gjysmë, pasi Holanda ktheu rezultatin për gjashtë minuta.
Holanda përmbys gjithçka
Për gjashtë minuta, Holanda ka arritur ta përmbysë rezultatin.
Në minutën e 76-të, Cody Gakpo e shënoi golin për 2:1.
Holanda barazon në ndeshjen me Turqinë
Një tjetër qendërmbrojtës ka shënuar gol në ndeshjen Holanda – Turqia.
Stefan de Vrij ka barazuar shifrat në minutën e 70-të.
GOOOOOOL, Turqia në epërsi
Turqia e ka befasuar Holandën dhe ka shënuar gol në minutën e 35-të.
Shënues ishte mbrojtësi Samet Akaydin.
Asistues ishte Arda Guler, futbollisti i Real Madridit.
Fillon çerekfinalja e fundit e Euro 2024 mes Holandës dhe Turqisë
Ka filluar të zhvillohet pjesa e parë në çerekfinalen e fundit të Kampionatit Evropian Euro 2024 mes Holandës dhe Turqisë.
Ndeshja po zhvillohet në stadiumin “Olympiastadion” të Berlinit, ku të dy kombëtaret do të luftojnë për biletën e fundit të gjysmëfinales së Euro 2024.