Hoti – Qeverisë: Ndalja e gjakderdhjes financiare ka qenë mashtrim

Deputeti  i Lidhjes Demokratike të Kosovës, Avdullah Hoti, ka deklaruar se premtimi i Qeverisë Kurti për ndaljen e “gjakderdhjes financiare” ka qenë mashtrim.

“Tri herë kam bërë pyetje parlamentare se ku janë shpenzuar 520 mil euro për ndërmarrjet publike në vitet 2021-2023, herën e fundit më 17 korrik 2023. Asnjëherë nuk kam marrë përgjigje.

Kurrë nuk ka pasur kaq shumë shpenzime për ndërmarrje publike. Ndalja e ‘gjakderdhjes financiare’ ka qenë mashtrim. “, ka shkruar Hoti.

“Transparenca lidhur me shpenzimin e taksave të qytetarëve është obligim kushtetues. Këtij obligimi nuk mund t’i iket. Vjen një ditë kur duhet dorëzuar mandatin tek tjetri”, ka shtuar ai.