Hungarezët protestojnë kundër masave shtrënguse të kryeministrit

Mijëra njerëz protestuan në Budapest të shtunën për të pestën ditë kundër qeverisë së Viktor Orban, teksa zemërimi thellohet mbi ndryshimet tatimore që kritikët thonë se do të dëmtojnë bizneset e vogla.
Hungarezët kanë dalë në rrugë që kur parlamenti miratoi një ndryshim ligji të martën që do të prekë qindra pronarë biznesesh të vogla.
Protestat janë të parat që kur Orbán fitoi një mandat të katërt radhazi.
Mijëra njerëz marshuan nëpër qendër të Budapestit të shtunën duke brohoritur “Orbán humbi”.
“Është çmenduri ajo që qeveria kanë bërë. Kjo nuk do të sjellë më shumë të ardhura për buxhetin”, ka thënë një protestuese.
“Qeveria aktualisht po planifikon masa të tilla shtrënguese [por] njerëzit nuk mund t’i tolerojnë më ato”, tha një tjetër protestues.
Në fjalimin e tij të rregullt në radio të premten, Orbán mbrojti ndryshimin e ligjit të taksave si “të mirë dhe të nevojshëm”.
Pavarësisht kufijve të çmimeve për gjërat thelbësore, vendi i Evropës Qendrore përballet me inflacion në rritje dhe një rënie të monedhës vendase mes bisedimeve me Brukselin mbi financimin e frenuar të Bashkimit Evropian.
Hungaria, e cila varet kryesisht nga nafta dhe gazi rus, shpalli një “gjendje rreziku” të mërkurën për krizën energjetike të shkaktuar nga lufta në Ukrainë./21Media