I burgosuri gabimisht për 26 vjet u fal, tani mund të kërkojë dëmshpërblim

Një burrë nga Karolina e Veriut, i dënuar gabimisht për vrasje dhe i burgosur për 26 vjet, i është dhënë një falje e plotë nga guvernatori.
Dontae Sharpe kishte luftuar për të provuar pafajësinë e tij që nga arrestimi i tij në vitin 1994. Ai doli nga burgu në gusht të vitit 2019.
“Emri i familjes sime është pastruar”, u tha ai gazetarëve të premten.
Lajmi vjen pas një dokumentari të BBC-së mbi dështimin e drejtësisë në rastin e tij, transmeton rtv21.tv.
Historia e Sharpe theksoi se si mund të duhen vite për të marrë një falje të plotë edhe pasi një person shfajësohet dhe fiton lirinë e tij.
Guvernatori Roy Cooper tha në një deklaratë duke shpallur faljen se ai e kishte shqyrtuar me kujdes rastin dhe ata që janë dënuar gabimisht si Sharpe “meritojnë që kjo padrejtësi të njihet plotësisht dhe publikisht”.
Me faljen e plotë, Sharpe do të mund të paraqesë një kërkesë për dëmshpërblim nga shteti.
“Liria ime ende nuk është e plotë për sa kohë që ka njerëz gabimisht në burg, të dënuar gabimisht dhe njerëz që presin falje”, shtoi Sharpe.
“Unë kam qenë atje dhe e di se ka njerëz që janë të pafajshëm dhe e dinë se sistemi ynë është i korruptuar dhe duhet ndryshuar”, u shpreh ai.
Sharpe është një bashkëpunëtor i Forëard Justice, ku ai mbron reformën e drejtësisë penale në Karolinën e Veriut.
Ai u dënua me një akuzë për vrasje të shkallës së parë për vrasjen e George Radcliffe. Muaj pas gjyqit, një dëshmitare okulare adoleshente e shtetit hoqi dorë nga dëshmia e saj.
U deshën ende mbi dy dekada që Sharpe të shfajësohej dhe të lirohej nga burgu./21Media