Idriz Ajeti varroset sot në Prishtinë

Homazhet do të bëhen nga ora 13:30

Kryesia e Akademisë së Shkencave dhe të Arteve të Kosovës bëri të ditur se me rastin e vdekjes së akademik, Idriz Ajetit, në mjediset e Akademisë do të mbahet mbledhja komemorative në orën 13:00.

Ndërsa, siç njoftohet në komunikatën e Kryesisë së Akademisë së Shkencave dhe të Arteve, homazhet do të mbahen nga ora 13:30.

Ndërkaq, varrimi i akademik Idriz Ajetit do të bëhet në varrezat e Prishtinës, në orën 15:30.

Me rastin e vdekjes së akademik Idriz Ajetit, personalitete të njohura në vend kanë ngushëlluar familjen Ajeti.

Në moshën 102 vjeçare sot ka vdekur sot albanologu, gjuhëtari e intelektuali, pedagogu dhe veprimtari i palodhshëm në zhvillimet tona shoqërore, anëtar i Akademisë së Shkencave dhe të Arteve të Kosovës dhe kryetar i saj në dy mandate, anëtar nderi i Akademisë së Shkencave të Shqipërisë akademik, Idriz Ajeti. Lajmin për vdekjen e tij e bëri të ditur Kryesia e Akademisë së Shkencave dhe të Arteve të Kosovës.Idriz Ajeti, anëtar i ASHAK ishte zgjedhur me gjeneratën e parë ta akademikëve dhe menjëherë ka marrë titullin akademik, ndërsa në vitin 1979 ishte zgjedhur kryetar i saj deri më 1981. Më 1996 ai ishte rizgjidhur kryetar dhe ka drejtuar Akademinë deri më 1999. /21Media