Inaugurohet “Muri i Nderit”, si mirënjohje për familjet kosovare që shpëtuan hebrenj gjatë Holokaustit
(Lajm i përditësuar)
Në Parkun e Qytetit në lagjen “Dodona” në Prishtinë, është inauguruar “Muri i Nderit”, memorial që nderon familjet kosovare që shpëtuan hebrenj gjatë Holokaustit.
Ai është inauguruar nga Fondacioni Shqiptaro-Amerikan dhe Shoqata e Miqësisë Kosovë – Izrael.
Në inaugurimin e tij po marrin pjesë edhe ish-kongresisti amerikan Joe DioGuardi dhe bashkë me delegacionin nga SHBA-të dhe Izraeli.
Gjithashtu pjesë e kësaj ceremonie kanë qene edhe kryeministri i Kosovës, Albin Kurti e kryetari i Prishtinës, Përparim Rama.
08:09 – Sot inaugurohet “Muri i Nderit” në Parkun e Qytetit
Fondacioni Shqiptaro-Amerikan dhe Shoqata e Miqësisë Kosovë-Izrael, organizon sot nga ora 10:00 ceremoninë e inaugurimit të “Murit të Nderit” në Parkun e Qytetit në Prishtinë, në shenjë mirënjohjeje për sakrificën unike që bënë shqiptarët e Kosovës në shpëtimin e hebrenjve gjatë Holokaustit.
Ndërkaq nga ora 16:00 në hotel Emerald mbahet “Seminari për shpëtimin e hebrenjve te shqiptarët e Kosovës gjatë Holokaustit”.