Inflacioni godet rëndë Turqinë

Turqia po përballet me vështirësi pasi çmimet e ushqimeve dhe mallrave të tjera janë rritur.
Por, jo vetëm në Turqi, rritja e çmimeve të konsumit po prek vendet në mbarë.
Ndërkaq, ekonomistët thonë se inflacioni në Turqi është përkeqësuar nga keqmenaxhimi ekonomik, shqetësimet mbi rezervat financiare të vendit dhe shtytja e Presidentit, Recep Tayyip Erdogan për të ulur normat e interesit.
Erdogan pretendon se kostot më të ulëta të huamarrjes do të nxisin rritjen, megjithëse ekonomistët thonë se e kundërta e kësaj është mënyra për të zbutur çmimet në rritje.
Lira turke ka rënë në nivel rekord ndaj dollarit amerikan, pasi banka qendrore e vendit ka ulur normat e interesit, duke nxitur shqetësimet për pavarësinë e saj.
Qeveria turke thotë se inflacioni u rrit gati 20% në tetor krahasuar me një vit më parë, por Grupi i pavarur i Kërkimit të Inflacionit, i përbërë nga akademikë dhe ish-zyrtarë të qeverisë, e vendosi atë afër 50%.
Në krahasim, çmimet në SHBA u rritën rreth 6% nga një vit më parë, më së shumti që nga viti 1990 dhe inflacioni në 19 vendet e Bashkimit Evropian që përdorin euron kaloi 4%, më i larti në 13 vjet.
Monedha e Turqisë, si rezultat, arriti nivelin më të ulët historik dhe ka humbur rreth 25% të vlerës së saj që nga fillimi./21Media