Inspektori i AKI-së ftohet nga Specialja

Agjencia e Kosovës për Inteligjencë ka njoftuar se Zyra e Prokurorit të Specializuar, ka ftuar Burim Ramadanit – inspektor i përgjithshëm në AKI për të dëshmuar në Hagë.
“Në fletëthirrje precizohet se Ramadani urdhërohet të paraqitet si dëshmitar për t’u marrë në pyetja nga Zyra e Prokurorit të Specializuar, në datën e caktuar, dhe në fletëthirrje nga ai është kërkuar që “të ofrojë detaje në lidhje me lokacionin e tij fizik dhe gjeografik gjatë kohës se luftës, dhe të ofrojë dokumentacion përfshirë këtu edhe fotografi dhe të dhëna tjera nga periudha nga 1 janar 1998 deri 31 dhjetor 2000”, thuhet në njoftimin e AKI-së.
Më tej, në komunikatë thuhet se, Ramadani është plotësisht i vetëdijshëm për obligimet ligjore në raste të këtilla, sikurse edhe që beson se ky është një gabim teknik dhe si i tillë do të qartësohet më tutje./21Media