​Inzaghi: Kjo humbje dhemb shumë

Simone Inzaghi pranon se Interi nuk ishte mësuar të humbiste dhe ndërsa ai është krenar për lojtarët e tij, humbja ndaj Atletico Madrid thotë se dhemb, sepse ata e kishin lojën në dorën e tyre.

“Nerazzurrët” ishin favoritët duke shkuar me epërsi 1-0 në ndeshjen e parë dhe kaluan në epërsi edhe në “Ëanda Metropolitano” me golin e Federico Dimarcos.

Megjithatë, Antoine Griezmann e barazoi rezultatin më vonë dhe Memphis Depay shënoi në minutën e 87 të për të barazuar rezultatin e përgjithshëm në 2-2.

“Ka zhgënjim për klubin dhe gjithë familjen e Interit, por u thashë djemve se duhet të jenë krenarë për atë që kanë bërë”, tha Inzaghi.

“Ne ishim të pamposhtur në tetë ndeshje, atëherë padyshim që duhet të kishim bërë më mirë në momente të caktuara. E kishim ndeshjen në dorë, bëmë shumë gabime dhe kjo bëri diferencën”, theksoi ai.

Interi kishte shpresuar të bënte më mirë pasi arriti në finalen e Champions League sezonin e kaluar, por në vend të kësaj është eliminuar.

“Kjo skuadër nuk ishte mësuar të humbiste. Humbja na ka lënduar, ne e kishim kualifikimin në dorë”, shtoi Inzaghi. “Megjithatë jam super krenar që jam trajner i kësaj skuadre. Është zhgënjyese për të gjithë ne, por ka 10 ndeshje përpara në Serie A dhe ne duam të arrijmë një objektiv shumë të rëndësishëm.