Iu refuzua ultimatumi për t’u dorëzuar, Rusia paralajmëron ‘eliminimin’ e ushtarëve

Ministria e Mbrojtjes e Rusisë ka kërcënuar me “eliminimin” e ushtarëve të rezistencës që ende luftojnë në qytetin e rrethuar në jugperëndim të Ukrainës, Mariupol, pasi konfirmoi se një ultimatum që kërkonte dorëzimin e tyre ishte injoruar.
Në një deklaratë, ata thanë se ushtarëve ukrainas të rrethuar në një fabrikë gjigande çeliku në qytet u është kërkuar “të dorëzojnë vullnetarisht armët dhe të dorëzohen për të shpëtuar jetën e tyre”.
“Megjithatë, regjimi nacionalist i Kievit, sipas përgjimit të radios, i ndaloi negociatat për dorëzimin”, pohoi ministria.
Ministria pohoi gjithashtu se sipas ushtarëve ukrainas që ishin dorëzuar më parë “ka deri në 400 mercenarë të huaj që iu bashkuan forcave ukrainase” të bllokuar në fabrikën e çelikut, duke përfshirë, tha, evropianë dhe kanadezë.
“Në rast të rezistencës së mëtejshme, të gjithë ata do të eliminohen”, thanë ata.
Ministria e Mbrojtjes pretendoi se dhjetëra objekte ushtarake në Ukrainën lindore ishin shkatërruar në sulmet e fundit ruse. Këto përfshijnë depo karburanti dhe municionesh rreth Severodonetsk, Kremmina dhe qytete të tjera në rajonet Luhansk dhe Donetsk./21Media