Izraeli u kërkon që dhjetëra vende të vendosin sanksione ndaj Iranit

Ministri i Jashtëm i Izraelit thotë se ai po udhëheq “një ofensivë diplomatike kundër Iranit”, pasi qeveria konsideron një përgjigje ushtarake ndaj sulmit me raketa dhe dron kundër tij herët të dielën.

Ministri i Jashtëm, Israel Katz, u ka shkruar dhjetëra vendeve duke kërkuar vendosjen e sanksioneve ndaj programit raketor të Iranit.

“Këtë mëngjes dërgova letra në 32 vende dhe fola me dhjetëra ministra të jashtëm dhe figura kryesore në botë duke kërkuar që të vendosen sanksione ndaj projektit të raketave iraniane,” postoi Katz në X.

Ai gjithashtu bëri thirrje që Korpusi i Gardës Revolucionare Islamike të Iranit (IRGC) të shpallet një organizatë terroriste, “si një mënyrë për të frenuar dhe dobësuar Iranin”.

Ai shtoi: “Irani duhet të ndalet tani – para se të jetë tepër vonë”.